yoyo
Nov 10 2006, 03:46 PM
بسم الله الرحمن الرحيمازيكم يا أحلى وأجمل بنوتات((بنوتات انا مصرى))انا خصصت الموضوع ده ليكى انتى
عشان لو صادفتك مشكله فى شعرك او بشرتك
لبسك او الميكب بتاعك
اكتبى بس سؤالك فى الموضوع
وانا بأذن الله هجاوب عليكى وهديكى المفيد
يلا ورونى اسئلتكم
ومش عيزة حد يتحرج من حاجه 
احنا هنا كلنا بنات زى بعض
سلام يا قمرات
الملاك
Nov 10 2006, 08:30 PM
طيب انا شعرى جاف جدا
ودهنى من الجذور ياريت
تقوليلى على حل
yoyo
Nov 10 2006, 09:28 PM
بصى ياقمر
انتى كده نوع شعرك مختلط والنوع ده بيبقى من اصعب انواع الشعر ويحتاج لعنايه خاصه
بس قبل مقولك تعملى ايه لازم تعرفى ان ده طبيعه شعرك وعمر ما أى حاجه هتغيرها او تحولها لنوع تانى
هنبدأ....
ده نصائح لازم تلتزمى بيها الأول:
1- استخدمى فرشاه للشعر بدل المشط قدر المستطاع
2- وانتى بتخدى الشاور بتاعك حطى كميه قليله من شامبو الشعر على الفروة وادعكيها برفق على اساس ان بقايا
الشامبو هتنزل على اطرافها بس متركزيش الشامبو على الأطراف
3- يستحسن انك تغيرى نوعيه الشامبو مره للشعر الدهنى ومره للشعر الجاف بالتناوب
4- لما تستخدمى بلسم استخدميه على اطراف الشعر بس
5- لازم تهتمى بشعرك وتقصى اطرافه كل 6 اسابيع
وده كام ماسك كده جبتهوملك تعملي واحد فيهم مره كل اسبوع
1- تجيبى 3 ببيضات (او حسب حجم شعرك) وتخدى الصفار بتاعهم
تضيفى عليهم زيت خروع وتستنى كده من 20 لـــ30 دقيقه
وتشطفيه بالميه الفاتره وبعدين الميه البارده
وتحطى فى ماء الشطف الأخير قليل من الليمون او الخل عشان يدى لشعرك لمعان
وهقولك وصفه تانيه جميله جدا
2- تجيبى مايونيز ( 2-3 ملاعق) وتضيفى معلقه زيت زيتون ومعلقه زيت خروع
ومعلقه زبادى وتدلكى بيه فروه الراس الى الأطراف وتجيبى فوطه سخنه وتحطيها على شعرك
((حمام زيت)) وتسيبيهم نص ساعه وتغسلى شعرك بعد كده بالماء الفاتر
وزى مقولتلك تعملى واحد فيهم مره كل اسبوع
وان شاء الله يجيب نتيجه كويسه
يارب اكون افدتك
mouney
Nov 12 2006, 10:46 AM
شكرا على الموضوع
انا مشكلتى ان عندى نقط حمرا فى خدودى
yoyo
Nov 12 2006, 12:46 PM
ممكن ياmouneyتكون بشرتك من النوع الحساس او انتى لما تتعرضى لشمس بيسبب لها التهاب
فحاولى تبتعدى عن الشمس بأى طريقه ومنصحكيش برضه بsun block لانه ممكن يطلعلك حبوب
وحاولى تشربى مياه كتيره
واختارى كريم خفيف مرطب مناسب لنوعيه بشرتك
بس انا عايزة اعرف نوعيه بشرتك ايه وهل الحبوب ده حب شباب مثلا وملتهبه ولا هى نقط ؟؟
وشكرا
Farawla
Nov 13 2006, 09:18 PM
يويو انا شعرى خفيف اوى
مش عوزة اقصه زى ماكتير قالولى لان اعرف ناس قصوه ومطولش تانى ومش عاوزة اخاطر بشعرى
ومش عارف اعمللو ايه
ياريت تقوليلى على حاجات سهل اجيبها او اعملها
yoyo
Nov 14 2006, 02:09 AM
بسم الله الرحمن الرحيــــم
ازيك يا قمر
بالنسبه لموضوع شعرك انا هقولك على كذا حاجه:
1- لو انتى شعرك اطرافه مقصفه يبقى لازم ومفيش حل الا انك تقصيه وبالنسبه لموضوع انه مش بيطول تانى
ده لأن ممكن الكوافير نفسه هو اللى بيكون وحش لأن قص الشعر ده بيبقى ليه طريقه معينه عشان ميعجزش الشعر
فا انتى روحى لكوافير كويس ده فى حاله لو شعرك مقصف
لأن انتى لو مقصتهوش يبقى اى حاجه هتحاولى تعمليه فيه مش هيجيب فايده وهتتعبى نفسك على الفاضى
2- اعملى مساج لشعرك كل يوم الصبح وباليل بأطراف صوابعك فى حركات دائريه على فروه الرأس من تحت
لفوق لمده خمس دقائق عشان تنشطى الدوره الدمويه
3- لما تأخدى الشاور بتاعك متسرحيش شعرك وهو مبلول استنى ينشف شويه وبعدين ابدأى سرحيه
4- حاولى قدر الامكان متكتميش شعرك ولو طبعا انتى خارجه ومحجبه مش مشكله بس لما ترجعى البيت
هويه ومتعملهوش كحكه عشان بتبوز الشعر خالص
5- استعملى نوعيه الشامبو وحمام الكريم المناسب لنوع شعرك
6- انا مش عرفه نوع شعرك ايه بس هديكى كم وصفه كده لتغذيه الشعر
هى مجموعه زيوت تحطيهم على بعض بمقدار معلقه من كل نوع
(زيت زيتون - زيت خروع - زيت الجرجير- زيت الأفوكادو - زيت الصبار)
يعتبر حمام الزيت عملية لتعويض الشعر .
اللذي فقد الحيوية واللمعان .
كذلك فإنه مفيد جداً لفروة الرأس ويساعد على زيادة نمو الشعر وخصوصاً إذا إستخدم بالطريقة الصحيحة
**************
طريقة عمله:
أولاً: تقسيم الشعر الي أربعة أقسام
ثانياً : تسخن مجموعة الزيت المستخدمه قليلاً .
ثالثاً : وضع الكريم أو الزيت على فروة الرأس وصولاً الي أطراف الشعر كل قسم على حـده حتى نهاية الرأس
رابعاً : يعمل مساج للشعر - أي تفرك فروة الرأس بالأصابع بعد وضع الزيت او الكريم للتأكد من وصوله الى جميع أقسام الشعر .
ًخامساً: يلف حول الرأس فوطه بللت بالماء الساخن ثم عصرت او تغطية الشعر في غطاء بلاستيكي أو إستخدام السشوار لمدة عشرون دقيقة
سادساً: يترك الزيت على الرأس لمدة أربع ساعات.
سابعاً : يغسل الشعر بالشامبو خفيف ومن ثم ينشف
يارب اكون افدتك يا جميله وطبعا النتائج هتبان بعد شهر كده
ابقى طمنينى
Farawla
Nov 14 2006, 05:13 AM
جزاك الله خيرا يايويو
على النصايح دى
وان شاء الله هاجرب واقوللك على النتيجة
tweety2
Nov 17 2006, 09:19 PM
ازيكم يابنات انا مصرى
انا يا يويو بشرتى مختلطه وعندى روس سوده واستخدمت الطرق المعتاده وبرضوا لسه عندى روس سوده تنصحينى بايه
شكرا يا يويو على مجهودك
مني الاميري
Nov 17 2006, 09:27 PM
موضوع جميل بجد بس الحمد للة انا مش عندي مشاكل
yoyo
Nov 18 2006, 12:19 AM
بسم الله الرحمن الرحيم
هاى يا تويتى ازيك... يارب تكونى بخير
وبالنسبه لمشكلتك ان شاء الله هحاول احلهالك
اولا البشره المختلطه ده يعتبر من اصعب انواع البشره لأنه بيجمع بين البشره
الدهنيه فى منطقه T-zone (الجبهه والأنف والذقن)) ومنطقه الخدود ممكن
تكون جافه او عاديه
وفى خطوات معينه للأهتمام بالبشره المختلطه:
1- انك تهتمى بنظافه بشرتك باستمرار وممكن تستعملى صابون clean and clear
وهى مش الصابونه العاديه لا...هى عباره عن رغاوى وموجوده فى الصيدليات لون
الزجاجه موف ده حلوة قوى انها بتنضف البشره وفى نفس الوقت مش بتجففه
وتغسلى بشرتك من 2- 3 مرات فى اليوم ومتكتريش عن كده لأن الغسيل الكتير ممكن يجفف
بشرتك
2- اغسلى بشرتك كويس قوى من الصابون وتجنبى انك تكونى سايبه بواقى ليه على منطقه
الجبين او الرقبه لأن ده بيساعد على ظهر الحبوب والبثور السوداء
3- استعملى تونيك قابض للمسام وأحسن حاجه ماء الورد ممكن تستعمليه مره الصبح ومره
باليل وتجنبى طبعا منطقه العينين
4- كتير بيعتقدو ان البشره الدهنيه او المختلطه مش محتاجه كريمات مرطبه لا...بالعكس
بعد عمليه التنظيف واستعمال التونيك جيبى كريم مخصص للبشره المختلطه او كريم
Oil- Free خالى من الزيوت وممكن كمان تجيبى كريم بيحد من اللمعان للبشره المختلطه
Moistruzing- Mattify
والمنتجات ده هتلاقيها كتير قوى فى AVON او Oriflame او اى ماركه انتى تحبيها
بس لازم تكون ماركه موثوق فيها
نيجى بقى لمشكله الرؤس السوداء:
اولا عشان تتخلصى من الرؤوس السوداء لازم تستخدمى مقشر Scrub
لو انتى عايزة تستخدمى جاهز يبقى هاتى مقشر بأحماض الفواكه
لكن لو انتى من هواه عمل الماسكات فى البيت خدى الماسكات الحلوة ده:
عشان يبقى الموضوع متكامل احنا هنعمل ماسك تنظيف وبعدين ماسك تقشير
ماسك التنظيف:
ملعقه طين مغربى(موجود فى الصيدليات) وملعقتين زبادى كبيره
وسيبيه على بشرتك لحد مينشف واغسليه برفق بمياه دافئه
ماسك التقشير:
معلقتين عسل ابيض ومعلقه عصير ليمون ومعلقه رده
أو
حضري 3 ملاعق من الترمس المطحون وضعي عليها نصف ملعقه من العسل
وضعي عليه كميه من الماء بحيث يصبح لديك خليط متماسك ثم ضعيه على الوجه واتركيه من
10الى 15 دقيقه
ملحوظــــــــــــــــــــــــــــه هامه:
بعد متخلصى عمليه التقشير وتغسلى وجهك من الأفضل استخدام ماء الورد بعد الماسك
مررى بقطنه على وجهك وبعدين حطى الكريم المرطب اللى اتفقنا عليه
والماسكات ده تستخدم من 1-2 فى الأسبوع مش اكتر من كده
وهتلاقى ان شاء الله الرؤس السوداء خفت شويه لكن لو لاقيتيها زى مهى
اعرفى ان الرؤس ده مبقتش سطحيه وكونت جذور ليها فى المسام ومش هيشيلهالك
الا دكتور الجلديه
يارب اكون افدتك يا قمر وأى خدمه تانيه انا موجوده
وشكرا ليكى يا منى على مرورك ويارب ميكون عندك مشاكل ابدا
هنا
Nov 19 2006, 06:02 AM
ايه يا يويو العسل دة والمجهود دة
ربنا يجازيكي خير ان شاء الله علشان بتحاولي تفيدي بنات المنتدى
وعلى فكرة يا جماعه يويو خبرتها واسعه في المجال دة جدا وكمان make up artist هااااااااااااااايله
انا بصراحة بستغلها جامد في الموضوع دة في البيت خصوصا لو فرح او خروجة مهمة
شكرا يا يويو ولو في مشاكل هقولهالك بينا وبين بعض بقي احسن
بلاش فضاااايح
ههههههههههههه
الحب المستحيل لا يكتمل
Nov 23 2006, 05:31 PM
جميل قوى موضوعك يا قمر داانا هستغلك اسوء استغلال ..ههههههههههههههههه.. لا بجد على شان
الفرح قرب بس .. ربنا يوفقق يا قمر .. ايمى
yoyo
Nov 29 2006, 02:16 PM
شكرا ليكى يا هنا على ردك الجميل
ومرسى ليكى يا ايمى والف مبروك مقدما واى سؤال انا فى الخدمه
يلا يابنات فيــــــــــــن اسئلتكم؟؟
mnymoony
Dec 10 2006, 11:18 PM
ازيك يا يويو و ازيكم كلكم وحشتوووووووووووووووونى اوى
مرسى على كلامك و الوصفات الجميلة دية يا يويو وفعلا كلامك جميل زيك
tema_love
Dec 11 2006, 01:03 AM
موضوع هايل جدا يا يويو
بس انا عندى مشكله فى شعرى هيه التقصيف وكمان شعرى من الوسط بقه متقطع ومقصف نتيجه انى كنت بقطع التقصيف بايدى طول ماانا قاعده حاله نفسيه تقريبا هههههههه قولى ليا يا قمر اعمل ااااااااااااااااايه عايزاه يطول والتقصيف يروح
yoyo
Dec 11 2006, 02:46 AM
بسم الله الرحمن الرحيم
اولا : ازيك يا امنيه والله ليكى وحشه كبيره والله وشكرا على مرورك يا قمر ونورتى
ـــــــــــــــــــــــــــــــــــــــــــــــــــــــــــــــــــــــــــــ
ثانيا : اهلا بيكى يا تيما ومنوره الموضوع والله وان شاء الله هجاوب على سؤالك حالا
........................
اولا تقصف الشعر من أكتر المشاكل اللى بتعانى منها معظم البنات
أسباب تقصف الشعر هي هي أسباب ضعفه وجفافه، يعني برضه التغذية الغلط، والسشوار والمكواة الكتير،
واستخدام أنواع مش مناسبة لشعرك من الكريمات والشامبوهات وكريمات الفرد..
بس بيضاف للأسباب دي عدم الاعتناء بيه وتعريضه للعوامل البيئية السيئة زي الجو الحر أو حتى البارد
بدون ما يتبع التعرض ده أي نوع من أنواع الاعتناء.
ده غير إن فيه سبب تاني مرضي بعد الشر عليكم وهو نقص نشاط الغدة الدرقية.
وبرضه فى العوامل الداخلية
العوامل الداخلية زي الحالة الصحية.. يعني فيه أوقات -زي أثناء الدورة الشهرية- بتلاقي شعرك ضعيف؛
علشان كده لازم تهتمي بيه في الوقت ده. والحالة النفسية كمان اللي بتمر بيها الواحدة مننا ساعات
لها تأثير جامد جدا على الشعر لأنها بتأثر بشكل كبير على نمو الشعر وصحته، فإذا كنتِ مثلا مضطربة
ممكن إنك تلاقي شعرك في الوقت ده أكثر عرضة للسقوط.
طيب هنقدر نحل المشكله ده ازاى؟؟؟؟؟؟
علشان إنتم متعودين مننا على الصراحة وعمرنا ما كذبنا عليكم قبل كده فلازم نقول لكم
إن على الرغم إن فيه إعلانات كتير عن كريمات ومستحضرات تجميل لحل مشكلة التقصف
إلا إنه للأسف مافيش حل لتقصف الشعر غير قص الأطراف المصابة من الشعر وبعد كده بييجي دور الاعتناء
اللى بيكون عن طريق الكريمات والزيوت
فأنا انصحك انك لازم تروحى الكوافير وتقصى اطراف شعرك المقصه كل 45 يوم وتحاولى تهتمى بيه
من اول وجديد غير كده انك لازم تستخدمى الشامبو المناسب لنوعيه شعرك والكونديشنر
ولو انتى شعرك دهنى استخدمى شامبو مناسب للشعر الدهنى وكونديشنر مناسب
للشعر الجاف عشان يحصل التوازن المطلوب وطبعا متحطيش الكودنديشنر على فروة الرأس
........................
نيجى بقى للوصفات::
هو صحيح مافيش علاج لكن فيه وقاية من تقصف الشعر، وإنتم عارفين إن الوقاية خير من العلاج. والوصفة اللي معانا المرة دي سهلة خالص وهي إنك كل أسبوع تحطي مايونيز على أطراف الشعر وهو جاف وتسيبيبه لمدة ساعة عليه، وبعد كده تغسليه وتحطي عليه زيت اللوز اللي بيحافظ على تماسك نسيج الشعرة وابقي طمنينا على النتيجة.
فى وصفه تانيه بتخلى الشعر قوى وتحميه من التقصف::
وصفة الحنة بالحلبة..
المكونات:
نصف كوب من الحنة الناعمة.
كوب حلبة مغلية.
الطريقة:
اخلطي الحلبة المغلية على الحنة الناعمة واعجني الخليط مع بعضه وسيبيه لمدة نصف ساعة،
ثم ضعي الخلطة على شعرك بس خلي بالك إنك تحطيه، بداية من جذور الشعر إلى الأطراف
ودلكي شعرك بيدك لكي تتأكدي إن الحنة قد تخللت شعرك كله، اتركي هذا الخليط على شعرك حتى يجف
ثم اغسلي شعرك وكرري هذه العملية مرة كل أسبوع... وميزة الوصفة دي إنها بتكسب الشعر القوة.
ملحوظـــــــــــــه:::
طبعا انتى بتستخدمى واحد من الوصفتين كل اسبوع مره يعنى مره فى الأسبوع الأول
وصفه المايونيز والأسبوع التانى وصفه الزيت
اتمنى انى اكون افدتك وان شاء الله المشكله تتحل بس هى محتاجه صبــــر
شكرا ليكى
بنت الاسلام
Dec 12 2006, 05:12 PM
انتى تجننى يايويوووووووووووووو
بجد موضوع تحفه وانا عندى سوال
انا شعرى مش بيطول قصيته من فترة وهو بقاله كتير اووووووى على نفس الطول ومش عايز يطول
اعمل ايه انا بقى
انا عايزاه يطول ماليش دعوووووووووووووووووووووووووووة
ربنا يكرمك حبيبتى
yoyo
Dec 13 2006, 02:35 AM
بسم الله الرحمن الرحيم
ازيك يابنت الأسلام
شكرا لمرورك وبالنسبه لمشكلتك ان شاء الله هنلاقيلها حل...
اولا زى متفقنا اننا لو عندنا شعر مقصف يبقى لازم نقص الأطراف
ونداوم على عمليه القص كل45 يوم وياريت القص يكون عند كوافير متخصص
لأن مش هينفع نعالج الشعر مع وجود شعر مقصف لأن كده العلاج هيكون من غير جدوى
خدى ده كم وصفه جبتهالك وانتى اختارى اللى تحبيه:
وصفه(1)
1-اطحني 3 ملاعق كبيرة من الترمس وانقعيهم في كوبايتين ميه سخنة من الصبح لغاية الليل (طبعا الكمية دي قابلة للزيادة حسب طول الشعر).. بعد كده صفيه وادهني بيه شعرك وسيبيه عليه من الليل لغاية الصبح بدون شطف وده لمدة 10 أيام.. وعلى فكرة الوصفة دي بتساعد على فرد الشعر المجعد كمان، ولو كنت عايزة تتجنبي إن الترمس يلصق في شعرك لفيه في شاشة ثم انقعيه...
وصفه(2)
يجفف اربع شده او حزمه من البقدونس ويطحن جيدا حتى يصبح ناعما ويخلط مع اربع ملاعق حناء ويطبخ بزيت الزيتون حتىيغلي ثم يصفى ويحفظ في زجاجه ويستخدم.
وصفه(3)
تتكون من رأس ثوم مقشر ومفروم+ زيت جوز هند+ زيت زيتون+ زيت اللوز+ زيت الخروع+ زيت الجرجير وذلك بمقدار ملعقة أو اثنتين من كل نوع حسب طول الشعر وتستخدم مدة 6 أسابيع بلا انقطاع.
ويراعى عدم الانزعاج عند سقوط الشعر التالف المتهالك ليحل محله شعر صحي طويل ويراعى أيضا عدم استخدام السشوار خلال هذه المدة.
اتمنى انى اكون افدتك والموضوع طبعا عايز صبر شويه وان شاء الله تحصلى
على الشعر اللى انتى بتتمنيه
شــــكرا
الملاك
Dec 13 2006, 06:43 PM
شكرا يايويو على ردك عليا معلش هو الشكر جه متاخر شويه
لانى مكنتش اتوقع ان فى حد باجمال ده فى مواضيعه
بس عندى سؤال تانى
انا بشرتى دهنيه بالذات منطقة الاورة ومابين الانف ويو جد بعض الحبوب فى منطقة وجهى
خصوصا هذه المناطق
yoyo
Dec 15 2006, 07:39 AM
بسم الله الرحمن الرحيم
اختى العزيزة الملاك:
انتى كده يبقى نوع بشرتك مختلطه وانا هكتبلك نفس الخطوات
اللى ذكرتها فوق لتويتى...
:::الخطوات للعنايه بالبشره المختلطه:::
1- انك تهتمى بنظافه بشرتك باستمرار وممكن تستعملى صابون clean and clear
وهى مش الصابونه العاديه لا...هى عباره عن رغاوى وموجوده فى الصيدليات لون
الزجاجه موف ده حلوة قوى انها بتنضف البشره وفى نفس الوقت مش بتجففه
وتغسلى بشرتك من 2- 3 مرات فى اليوم ومتكتريش عن كده لأن الغسيل الكتير ممكن يجفف
بشرتك
2- اغسلى بشرتك كويس قوى من الصابون وتجنبى انك تكونى سايبه بواقى ليه على منطقه
الجبين او الرقبه لأن ده بيساعد على ظهر الحبوب والبثور السوداء
3- استعملى تونيك قابض للمسام وأحسن حاجه ماء الورد ممكن تستعمليه مره الصبح ومره
باليل وتجنبى طبعا منطقه العينين
4- كتير بيعتقدو ان البشره الدهنيه او المختلطه مش محتاجه كريمات مرطبه لا...بالعكس
بعد عمليه التنظيف واستعمال التونيك جيبى كريم مخصص للبشره المختلطه او كريم
Oil- Free خالى من الزيوت وممكن كمان تجيبى كريم بيحد من اللمعان للبشره المختلطه
Moistruzing- Mattify
والمنتجات ده هتلاقيها كتير قوى فى AVON او Oriflame او اى ماركه انتى تحبيها
بس لازم تكون ماركه موثوق فيها
بالنسبه لمشكله الحبوب :
لازم تروحى لطبيب الجلدية عشان يحدد المشكلة المسببة لظهور الحبوب، ممكن تكون فيه مشكلة في الهرمونات ومحتاجة إلى علاج خاص واستخدام مواد خاصة في تنظيف البشرة.. وممكن تكون عندها حساسية من أنواع معينة من الأكل,,
فلازم تروحى الدكتور عشان تحدددى اسباب المشكله ايه
وطبعا نتجنب ملامسه الحبوب ده او اننا نفضى الحبوب ده لأنها ممكن تسببلك مشاكل اكتر
وتكتر الحبوب وتسيب اثار بعد الشر..
لكن لو هو حب الشباب العادى انا هقولك على دواء لعلاج الحبوب انا بصراحه كانت بتبقى عندى حبوب وكنت بستعمله
وكان حلو قوى وهو عباره عن محلول سائل وهتلا قيه كتير فى الصيدليات ومتخفيش هو ملوش أثار جانبيه
واسمه ;
Dalacin_T
واستعمليه من 2-3 مرات يوميا بس طبعا بعد متغسلى بشرتك بالصابون وتنظفيها وتستخدمى التونيك(ماء الورد)
:::نصيحه اخرى:::
هاتى خيار واعصريه وحطيه فى ازازه واحفظيه فى الثلاجه
وكل يوم قبل متنامى هاتى قطنه وادهنى بيها وجهك ومتغسلهوش الا تانى يوم الصبح
واستمرى عليه ووبجد النتيجه هتكون مرضيه جدا
ابقى طمنينى على الأخبار
وان شاء الله اكون افدتك
ســـــــــــلام
tema_love
Dec 24 2006, 06:40 PM
ميرسى اوى اوى يايويو ربنا يخليكى ياعسل على النصايح والله بجد كلامك هاايل
معلش انا مش بدخل على المواضيع كتير لانى مشغوله اوى فى الامتحانات ادعوا ليا يابنااااااااااااااااااااااااااااااااات وميرسى مره تانيه ياقمر
yoyo
Dec 27 2006, 07:07 PM
العفو يا جميله انتى تؤمرى يارب اكون افدتك
وربنا معاكى ومعنا فى الامتحانات
جالاكسى
Dec 27 2006, 09:27 PM
شكرا يا يويو.
فكرتك حلوة قوى .
انت بجد متعاونة جدا.
طب انا عندى سؤال محيرنى.
انت عارفة طبعا التشقير.( مثال جولى ايفا ....او جولين...او غيرها من المنتجات.......
سؤالى هو :
هل يا ترى للتشقير اى خطر على البشرة؟؟؟؟
منتظرة ردك
yoyo
Dec 31 2006, 01:52 PM
بسم الله الرحمن الرحيـــم
ازيك يا جالاكسى منوره القسم والموضوع
وبالنسبه للتشقير
هو ملهوش اى ضرر على البشره او الجلد بس عيبه الوحيد
انك لما بتشقرى الشعر بعد فتره لو اتعرض وجهك للشمس بيبقى
لون الشعر بنى وبيخلى لون البشره غامق شويه
شــــــــكرا ليكى يا قمر ويارب اكون افدتك
bof_2007
Jan 18 2007, 11:01 AM
انا عندى نمش فى وجهى
وفاء
Jan 20 2007, 01:27 AM
اول حاجه شكرا ليكى كتير وانا عندى مشكلتين الاولى فى بشرتى فيها حبوب كتير وعايزه اعرف ماسكات جديه تفدنى لبشرتى تانى مشكله هيا شعرى بيقه بطريقه فظيعه وكمان هوه خفيف مش عارفه اعمل ايه
yoyo
Jan 20 2007, 05:23 AM
إقتباس(bof_2007 @ Jan 18 2007, 10:01 AM) [snapback]306601[/snapback]
انا عندى نمش فى وجهى
بسم الله الرحمن الرحيماولا انا برحب بيكى يا
bof_2007 وأسفه لو اتأخرت شويه بس ظروف امتحانات
ثانيا بالنسبه لمشكله النمش فى الأول خالص انا عايزة اعرفك ايه سبب النمش ده
هو بيجى عاده للناس اللى بشرتهم بتبقى بيضاء ونتيجه لتفاعل اشعه الشمس مع الغدد الصبغيه اللى موجوده فى الجلد
يبقى لازم اول حاجه تبتعدى عن أشعه الشمس بأكبر شكل ممكن لأن التعرض ليها بيسبب فى كثره ظهور النمش
ومش هقولك انك لازم تجيبى كريم واقى من أشعه الشمس لأنه فى الحالات ده مش بيفيد كتير هقولك السبب برضه
ان كريمات الوقايه من الشمس sun block بتحمى من أشعه الشمس البنفسجيه من النوع (ب) والنمش بيظهر من تأثير اشعه الشمس البنفسجيه من النوع (أ)
يبقى لازم اول حاجه تبتعدى عن الشمس وبعدين تروحى دكتور جلديه كويس يديكى كريم مناسب ليكىثالثا بقى انا جبتلك شويه وصفات بتحاول تخفف من النمش ده::1- ممكن تجيبى نصف ليمونه تدهنى بيها وجهك ده بيحاول يعيد الجلد للونه الطبيعى
2- أو ممكن تجيبى نص كبايه حبه سوداء وتنقعيها فى زيت الزيتون لمده 3 ايام وبعدين تتدهنى بيها الوجه
3- او ممكن تجيبى كريمات تحتوى على الصبار فده بتحاول انها تخفف من النمش تدريجيا وهتفيدك كمان لو بشرتك دهنيه فى التخلص من الدهون
الزائده اللى فيها.اتمنى انى اكون افدتك يا قمر.
yoyo
Jan 22 2007, 03:56 AM
إقتباس(وفاء @ Jan 20 2007, 12:27 AM) [snapback]309367[/snapback]
اول حاجه شكرا ليكى كتير وانا عندى مشكلتين الاولى فى بشرتى فيها حبوب كتير وعايزه اعرف ماسكات جديه تفدنى لبشرتى تانى مشكله هيا شعرى بيقه بطريقه فظيعه وكمان هوه خفيف مش عارفه اعمل ايه
اولا ازيك يا وفاء وأسفه لو اتأخرت عليكى بس انا مش فاهمه مشكله شعرك قوى ياريت توضحيلى اكتر...اما بالنسبه للحبوب انا مش عرفه ان كان ده حب شباب او حبوب بسبب عدم الاعتناء بنظافه البشره بس فى كلتا الحالتين لازم تبتعدى عن اى ميكب دلوقتى ومتحاوليش تجيبى ايدك على الحبوب ده عشان متتنقلش من مكان للتانى وهاتى صبونه مخصصه للحبوب وانا بفضل clean and clearاللى بالرغاوى لانها حلوة قوى ومش بتنشف الجلد.
ولو كان ده حب شباب انتى لازم تروحى دكتور جلديه خصوصا انك بتقولى انه كتير قوى ومش بسيط
بس انا ممكن اديكى كم حاجه تعمليهم تحاول تخفف من الحبوب ده....اولا ممكن معلقه ونص طين مغربى ومعلقتين زبادى وتخلطيهم مع بعض وتحطيه على بشرتك لحد مينشف خالص وبعدين زيليه بمياه دافئه
برفق مش بتقشير الماسك عشان متلتهبش الحبوب
والكلام ده مره فى الأسبوع...كمان ممكن تعصرى خيار فى الخلاط وتحطيه فى زجاجه وتحفظيه فى الثلاجه وتدهنى بيه بشرتك كل يوم قبل متنامى لأن الخيار منظف حلو قوى للبشره...كمان ممكن تجيبى معلقتين خميره وتحطى عليه ماء ورد وتدهنى بيه بشرتك لحد مينشف مره واحده كل اسبوع.ان شاء الله اكون افدتك وياريت تقوليلى مشكله شعرك بتفصيل اكتر.
شكرا
lovely girl
Jan 29 2007, 06:56 PM
ازيك يا يويو بجد نصايحك حلوة اوى وعجبتنى اوى
انا مشكلتى انى عندى رؤوس سوداء فى منطقة الانف بس ومش عارفة اعمل معاها ايييييييية
يارب تفيديني بنصايحك الجميلة
سلام
yoyo
Jan 29 2007, 07:29 PM
بسم الله الرحمن الرحيم
اولا انا برحب بيكى يا lovely girl ومنوره القسم يا قمر
ثانيا مشكله الرؤوس السوداء بتظهر ممكن لعدم الأعتناء الكافى بنظافه البشره
او لأنك بتستعملى منتجات مش مناسبه لنوعيه بشرتك فبتسد المسام فبتسبب فى ظهور الرؤوس السوداء
وعشان نحل مشكله الرؤوس السوداء ده لازم نستعمل تقشير scrub مناسب للبشره مرتين فى الأسبوع لو
بشرتك دهنيه أو مره واحده فى الأسبوع لو بشرتك حساسه ..
وال scrub ده ممكن تجيبيه من اى صيدليه بتبيع منتجات تجميل موثوق فيها او أى محلات تجميل
او ممكن تعملى ال scrub فى البيت ومكوناته....
عشان يبقى الموضوع متكامل احنا هنعمل ماسك تنظيف وبعدين ماسك تقشير
ماسك التنظيف:
ملعقه طين مغربى(موجود فى الصيدليات) وملعقتين زبادى كبيره
وسيبيه على بشرتك لحد مينشف واغسليه برفق بمياه دافئه
ماسك التقشير:
معلقتين عسل ابيض ومعلقه عصير ليمون ومعلقه رده
أو
حضري 3 ملاعق من الترمس المطحون وضعي عليها نصف ملعقه من العسل
وضعي عليه كميه من الماء بحيث يصبح لديك خليط متماسك ثم ضعيه على الوجه واتركيه من
10الى 15 دقيقه
ملحوظــــــــــــــــــــــــــــه هامه:
بعد متخلصى عمليه التقشير وتغسلى وجهك من الأفضل استخدام ماء الورد بعد الماسك
مررى بقطنه على وجهك وبعدين حطى الكريم المرطب اللى اتفقنا عليه
والماسكات ده تستخدم من 1-2 فى الأسبوع مش اكتر من كده
وهتلاقى ان شاء الله الرؤس السوداء خفت شويه لكن لو لاقيتيها زى مهى
اعرفى ان الرؤس ده مبقتش سطحيه وكونت جذور ليها فى المسام ومش هيشيلهالك
الا دكتور الجلديه
بس كده ويارب اكون افدتك يا قمر
وفاء
Jan 30 2007, 10:04 AM
انتى عارفه انك تجننى بجد وصفاتك اكيد حلوه زيك وشكراااااااااااااااااااااااااااا
lovely girl
Jan 30 2007, 07:13 PM
ميرسى يا يويو وان شاء هجربها واقولك عل النتيجة
osha_roro
Feb 1 2007, 04:08 AM
انا شعرى جاف ومضايقه اوى منه ونفسى يكون حلو اعمل ايه بقه لانى عايز اطلع رحله وانا سيبه وبالتالى مش هينفع لانه هيهيش اعمل ايه
yoyo
Feb 1 2007, 11:41 AM
بسم الله الرححمن الرحيم
بدايه انا بشكر وفاء و LOVELY GIRL على مرورهم وان شاء الله يكونو استفادو من الوصفات...
ثانيا برحب ب Osha _roro وان شاء الله هقدر افيدك...
اولا لازم نعرف ان جفاف الشعر وتقصفه مش هيتعالج من يوم وليله
الأول لازم نقص اى اطراف مقصفه عند الكوافير وبعد كده نحاول نهتم بيه..
وانتى بتقولى ان شعرك جاف جدااا وهايش عشان تحلى المشكله ده بسرعه لو انتى مستعجله يعنى فى خروجه ولا حاجه
فى بلسم بيتحط بعد الشاور ومش بيتغسل ده ممكن تسألى عليه الكوافير او الصيدليات
والبلسم ده بيساعد انه ميخليش شعرك يهيش..
وممكن اننا نعالج الجفاف ده والتقصف عن طريق عمل ماسكات مفيده جدا للشعر بس الموضوع ده محتاج صبر شويه
أول ماسك::::
تجيبى 3 ببيضات (او حسب حجم شعرك) وتخدى الصفار بتاعهم
تضيفى عليهم زيت خروع وتستنى كده من 20 لـــ30 دقيقه
وتشطفيه بالميه الفاتره وبعدين الميه البارده
وتحطى فى ماء الشطف الأخير قليل من الليمون او الخل عشان يدى لشعرك لمعان
ثانى ماسك:::
تجيبى مايونيز ( 2-3 ملاعق) وتضيفى معلقه زيت زيتون ومعلقه زيت خروع
ومعلقه زبادى وتدلكى بيه فروه الراس الى الأطراف وتجيبى فوطه سخنه وتحطيها على شعرك
((حمام زيت)) وتسيبيهم نص ساعه وتغسلى شعرك بعد كده بالماء الفاتر.
ولازم تعملى أى واحد من الماسكات ده مره واحده كل اسبوع
ممكن كمان تغيرى بين انك تعملى ماسك لشعرك اسبوع والأسبوع اللى بعده مثلا تعملى حمام كريم بالنخاع
مش تعملى الماسك وحمام الكريم مع بعض عشان متجهديش فروة رأسك
بس كده وان شاء الله اكون افدتك وتنبسطى فى الرحله..
ريهام
Feb 23 2007, 08:08 PM
انا شعرى جاف جدا ياريت تقوليلى على حل
yoyo
Feb 25 2007, 09:18 AM
برحب بيكى يا ريهام فى الموضوع
ومنوره القسم ياقمر
وبالنسبه لسؤالك...انا لسه مجاوبه عليه حالا قبل سؤالك
اتمنى انك تقريه وتستفيدى منه
وأى اسأله تانى ..انتى تؤمرى
جالاكسى
Mar 4 2007, 01:11 AM
إقتباس(yoyo @ Dec 31 2006, 02:52 PM) [snapback]288787[/snapback]
بسم الله الرحمن الرحيـــم
ازيك يا جالاكسى منوره القسم والموضوع
وبالنسبه للتشقير
هو ملهوش اى ضرر على البشره او الجلد بس عيبه الوحيد
انك لما بتشقرى الشعر بعد فتره لو اتعرض وجهك للشمس بيبقى
لون الشعر بنى وبيخلى لون البشره غامق شويه
شــــــــكرا ليكى يا قمر ويارب اكون افدتك
.
الف شكر ليكى يا يويو.
انت فعلا متعاونة دا غير ثقافتك كمان.
انا بحب قوى الناس اللى بتتكلم عن علم ومش بتفتى..
شكرا.
وربنا يجازيكى كل خير
wawa12
Mar 10 2007, 11:40 PM
موضوع اكثر من رائع
ومجهود كبير جدا
تسلمي اخت يويو
ربنا يوفقك و تعرفي تساعدي الجميع
yoyo
Mar 11 2007, 01:05 AM
جالكســــىمرسى ليكى يا جميله على كلامك ده
واتمنى انى اكون افدتــك
وأى سؤال انا فى الخدمـــهwawa19مرسى ليكى يا قمر على مرورك اللى نورنى
وأى استفسار انا تحت أمركم
ليتا
Mar 11 2007, 11:37 AM
tyb ana kol ma a5rog fe el shams bashrety te7mer awi we mosh 3arfa a3ml ahe begad
yoyo
Mar 12 2007, 11:55 PM
بسم الله الرحمن الرحيمبالنسبه لسؤالك يا ليتا.....
انتى كده يبقى اكيد بشرتك من النوع الحساس فلازم على قد متقدرى متتعرضيش لشمس كتير وتحطى وانتى خارجه
sun block من نوع كويس للبشره الحساسه لأن كده ممكن بشرتك يجيلها نمش وكلف وتجاعيد مبكره عشان الشمس مضره جداا
للبشره
وطبعا لازم تواظبى على أسلوب الأعتناء بالبشره اليومى وهو :::استخدام صابونه((يفضل لو بشرتك جافه انك تجيبى صابونه فيها نسبه ترطيب زى dove)
مناسبه لنوع بشرتك وتونيك وكريم نهار((لو انتى مش عايزة تجيبى sun block ))
وكريم النهار بيبقى فيه نسبه حمايه من الشمس بس لازم يكون برضه مناسب لنوع بشرتك (جافه او عاديه او دهنيه او مختلطه)
ومناسب للبشره الحساسه
وكريم الليل قبل النوموده ماسكات حلوه ومناسبه للبشره الحساسه:::اخلطي مقادير متساوية من عصير الجزر و عصير الخيار, ضعي القناع مدة 15 دقيقة ثم اغسليه
بالماء البارد.::أو::عصير خيارة واحدة
وكميه مساويه من الجلسرين
وملعقة دقيق كبيرة
يخلط مع بعض ويوضع على البشره لمدة 15 دقيقة
ثم يغسل الوجه بماء فاتر ثم ضعي عليه ماء ورد بارد::وايضا::نصف جزره واحدة متوسطة الحجم
ربع ملعقة عسل
يعصر الجزر ويصفى ويضاف اليه العسل
يدهن الوجه بالخليط ويترك لمدة 10 - 15 دقيقة بس كده ويارب أكون افدتــك ولو أى سؤال تانى اى خدمه
faith
Mar 26 2007, 07:14 PM
hi
plz i wana know waht's the meaning of
تونيك
thank you a lot
eman
yoyo
Mar 27 2007, 03:07 PM
faithبصى يا ايمان التونيك عباره عن محلول سائل بينظف البشره وبيشد المسام
زى ماء الورد كده أى سؤال تانى انا تحت امرك
ثانكس ياقمر
limo26
Apr 4 2007, 08:46 PM
ازيك يا احلى يويو و بجد دة موقع جامد و انتى اجمد و عايزة اسئلك سؤال يا قمر انا بشرتى دهنية و عندى حبوب بس مش بارزة
هية تحت الجلد كدة و مدياانى جدا ؟ انا مستنية ردك
yoyo
Apr 5 2007, 06:33 PM
limo26منوره يا قمر ومرسى جدا على كلامك وبالنسبه لسؤالك......بالنسبه للحبوب اللى تحت الجلد ومش بتكون بارزه ده هتروح بالتدريج مع التنظيف اليومى والمستمر للبشره
انتى لو واظبتى على استخدام الصابون المنظف للبشره زى( clean and clear) مثلا أو اى نوع
انتى تفضليه واستخدمتى التونيك زى ((ماء الورد)) او اى نوع انتى تحبيه ويكون مناسب للبشره الدهنيه
ثلاث مرات فى اليوم وطبعا قبل النوموتستخدمى كريمات مرطبه لبشرتك ومتقوليش ان بشرتك دهنيه اصلا ومش محتاجه كريمات....لا
فى كريمات للبشره الدهنيه بتكون مرطبه ليها وفى نفس الوقت بتنقى البشره وتحد من افراز الدهون
واظبى على الحاجات ده وصدقينى هتلاقى بشرتك شويه شويه تبقى انقى وأصفى
ونصيحه ::: كترى من شرب المياه قوى عشان الحبوب ده تروحوجبتلك برضه ماسكات اتمنى انها تفيدك::::::معلقتين خميره ومعلقتين ماء ورد وامزجيهم لحد ميبقى عجينه
وحطيه على بشرتك لحد مينشف يعنى مش اكتر من (20 دقيقه)
واغسليه بالماء الفاتر :::::::::::::::::::::::::::::::::::::::
-: قناع الحليب و البيض:-
و يتكون من بياض بيض و ملعقة حليب و ملعقة عسل نحل و مزج
الخليط جيدا و وضعه على الوجه لمده 15 دقيقة ثم إزالة القناع بعد ذلك بالماء الفاتر أو الدافئ ::::::::::::::::::::::::::::::::::::::
ملحوظه:::بعد كل مره تعملى فيها الماسك حطى الكريم المرطب اللى يفضل انه يحتوى على( Tee tree) او شجره الشاى
لأنه بيساعد على نقاء البشرهملحوظه كمان:::لو موضوع الحبوب عندك منتشر قوى بشكل مرضى من الأفضل انك تروحى لدكتور جلديهاتمنى ان اكون افدتــــك يا جميـــــله
وأى سؤال تانى انا تحت امرك
limo26
Apr 6 2007, 12:53 PM
ميرسى يا جميل و انا انشاء الله هعمل الحاجات دى و هداوم عليها
و شكررررررررررررررررررررررررررررررررررا اوى ليكى يا قمر
yoyo
Apr 6 2007, 02:13 PM
مرسى ليكى يا قمر واى خدمه
samoraa
Apr 6 2007, 06:14 PM
انا بشرتي مش مريحاني خالص بتطلع فيها حبوب غير الهلات اللي تحت عيني مش عارفه اعالجها خالص وكمان عندي بقع سودا جمب فمي كده بليز ياريت تردي عليا انا محتاجة حاجة تعالج المواضيع دي
yoyo
Apr 9 2007, 07:21 PM
اولا انا بتأسف جدا على التأخير فى الرد بس بجد كنت مشغوله الفتره اللى فاتت جامد
بس انا معرفتش نوع بشرتك ايه ونوعيه الحبوب اللى بتطلع ايه
ياريت تقوليلى نوعيه بشرتك ايه عشان اعرف ارد عليكى
اما بالنسبه للهالات السوداء:::
هى ممكن بتبقى وراثه فاحتمال زوالها 100% مش مضمون
او ممكن تكون من الأرهاق وكتر السهر وشرب القهوة و..الخ
وانا هقولك طريقه حلوة قوى عشان تخفف من الموضوع ده
انتى تجيبى خيارتين طازه واغسليهم كويس واعصريهم فى الخلاط
بعدين خدى الخليط وحطيه فى طبق صغير غويط شويه وجيبى قطع قطن صغيره
كوريهم وحطيهم فى الخليط اللى فى الطبق حطى كذا واحده كده وبعدين حطيه فى الفريزر
لحد ما القطن يتشرب الخليط ده..
وبعدين خدى قطعتين قطن وحطيهم على عنيك لمده ربع ساعه 3 مرات فى اليوم كحد اقصى
وهتلاقى الهالات ده بتخف بالتدريج وهتحسى ان شكل عنيكى اروق ومشرقه اكتر.
بالنسبه للغمقان اللى حول الفم:::
تجيبى معلقه جلسرين ونقطتين عصير ليمون وتحطيهم حول الفم مره كل اسبوع لمده 20-30 دقيقه
او :::
معلقه عسل ابيض ونقطتين عصير ليمون ونفس الطريقه